Газада алғашқы гуманитарлық үзіліс жарияланды

Газада алғашқы гуманитарлық үзіліс жарияланды, - деп хабарлайды Arbat.media.

Бұл туралы ВВС орыс қызметі тілші Рушди Абу Алуфқа сілтеме жасап жазады.

Израиль армиясы алғаш рет Газа қаласының үш ірі орталық ауданында тұрғындарға су мен азық-түлік алуға мүмкіндік беру үшін төрт сағаттық гуманитарлық үзіліс жариялады.

Соған қарамастан ондағы тұрғындар су мен азық-түлік тапшылығына шағымдануда.

8 қарашадағы жағдай бойынша, соғыс басталғаннан бергі әуе шабуылдарының ең төменгі қарқындылығы Газа секторында тіркелді.

Алайда таңертең Израиль армиясы Дейр әл-Балах пен Газа қалаларына соққы беріп, нәтижесінде 40 адам қаза тауып, ондаған адам жараланды делінеді.