“Иранның Израильге шабуылы”: қазіргі уақытта не белгілі?

Кеше Иран Израильге жауап ретінде соққы жасады. Иранның мемлекеттік агенттігі жүздеген баллистикалық зымыран ұшырылғанын мәлімдеді, деп хабарлайды Arbat.Media.

Соққыдан зардап шеккендер бары әрі ғимараттардың қирағаны туралы хабарланды. РИА Новости агенттігінің хабарлауынша, Иран Израильдегі 150-ден астам нысанаға, соның ішінде Неватим авиабазасына шабуыл жасады, ондаған ирандық зымыран діттеген нысанасына жеткен. Бұл туралы КСИР қолбасшысы мәлімдеді.

Пентагонның журналистерге берген ақпаратына сәйкес, АҚШ Израильге Иранның зымыранмен жасаған шабуылына тойтарыс беруге көмектескен. Patriot пен THAAD зымыранға қарсы қорғаныс жүйелері қолданылғаны хабарланды.

Иранның зымыранмен жасаған шабуылынан Израильде 40-тан астам адам зардап шекті, деп хабарлайды жергілікті БАҚ.

ТАСС агенттігінің хабарлауынша, Иран кеше түнде төрт рет зымыранмен соққы жасаған.

Басылымның жергілікті БАҚ-қа сілтеме жасап хабарлауынша, шабуыл салдарынан бір адам қаза тауып, 63-і жараланған.

Сондай-ақ Иран тарабы зымырандардың Тель-Авивтегі Израиль қорғаныс министрлігінің ғимаратына екі рет тигенін хабарлады.