Израиль АҚШ-тан $10 млрд шұғыл әскери көмек сұрады

Израиль АҚШ-тан 10 миллиард доллар шұғыл әскери көмек сұрады, - деп хабарлайды Arbat.media.

АҚШ Сенаты Израиль армиясын «Темір күмбез» әуе шабуылына қарсы қорғаныс жүйесіне арналған зымырандармен, 155 мм артиллериялық оқ-дәрімен, дәл бомбалармен және кәдімгі бомбыны дәл бомбыға айналдыру үшін JDAM жинақтарымен қамтамасыз етуді талқылап жатыр, деп хабарлады Сенаттағы Демократиялық көпшіліктің көшбасшысы Чак Шумер.

NYT хабарлауынша, Конгресс пен Ақ үй Израильге көмекті Украинаға, Тайваньға және АҚШ-Мексика шекарасын нығайтуға арналған қаражатпен байланыстыратын пакет дайындап жатыр.