Израиль ондаған ХАМАС содырларының қаза тапқанын жариялады
Израиль Газа секторындағы операция нәтижесінде "ондаған" ХАМАС содырларының қаза тапқанын жариялады, - деп хабарлайды Arbat.media.
Израиль армиясының баспасөз хатшысы Джонатан Конрикус CNN арнасына ХАМАС-тың жерасты инфрақұрылымына жасалған шабуылы бейбіт тұрғындардың қаза табуына және жер бетіндегі ғимараттардың қирауына әкелуі мүмкін екенін мойындады.
Оның айтуынша, лаңкестер адамдар орналасқан ғимараттардың астына өз тоннельдерін әдейі салады.
Конрикус, сондай-ақ, соққының Газа секторының солтүстік бөлігінде болғанын, Израиль билігі бейбіт тұрғындарды эвакуациялауды бірнеше рет сұрағанын айтты.
«Шекарасыз дәрігерлер» ұйымының өкілі өзінің және оның әріптестерінің Израиль әуе шабуылының салдарынан «зәресі ұшқанын» айтты, деп хабарлайды CNN.
Сауд Арабиясы Израиль әскерилерінің халық тығыз орналасқан бейбіт аймақтарға жасаған «адамгершілікке жатпайтын шабуылдарын» айыптады.