Каир саммитінде Палестина-Израильге қатысты мәлімдеме қабылдай алмады

Каир саммитіне қатысушылар Палестина-Израиль жанжалына қатысты қорытынды мәлімдемені қабылдай алмады, - деп хабарлайды Arbat.media.

Мысырдағы «Бейбітшілік саммиті» палестиналық-израильдік қақтығыстың шиеленісуі аясында ұйымдастырылды,

Саммитке Еуропаның, Африканың және Таяу Шығыстың 30-ға жуық елінің сыртқы істер министрлері мен саясаткерлері, сондай-ақ БҰҰ Бас хатшысы мен Еуропалық кеңестің басшысы жиналған.

Бірақ кездесуде Израиль мен АҚШ өкілдері болған жоқ.

Саммит басталмай тұрып-ақ кейбір дипломаттар оның күтілетін нәтижесі туралы пессимизмдік көзқарастарын білдірді.

Еуропалық көшбасшылар қорытынды декларацияда Израильдің өзін-өзі қорғау құқығы қамтылмайды деп күтіп, мұндай құжатқа қол қоймады, деп жазды The New York Times.

тура солай да болып шықты, пікір алмасу құжатқа қол қоюға әкелмеді.

Сонымен бірге араб елдері өз сөздерінде Израильді айыптауларға баса назар аударды, ал Еуропалық кеңес басшысы Шарль Мишель атысты тоқтатуға шақырған сөздерді қолданбады.