Ливан өлім жазасын жойған Таяу Шығыстағы алғашқы ел болды
Ливан парламенті өлім жазасын жою туралы заң жобасын мақұлдады, деп хабарлайды Arbat.Media.
Дауыс беруге қатысқан 128 депутаттың басым бөлігі құжатты қолдады. Оған тек «Хезболла» парламенттік блогы қарсы шыққан.
Осы шешімнен кейін Ливан Таяу Шығыста өлім жазасынан толық бас тартқан алғашқы мемлекет атанды. Енді ең ауыр жаза өмір бойына бас бостандығынан айыру және мәжбүрлі еңбекпен алмастырылады.
Заң жобасын құқық қорғау ұйымдары да қолдады. Өлім жазасын қолдану мәселесі Ливан қоғамында бірнеше онжылдық бойы талқыланып келген.
Елде соңғы өлім жазасы 2004 жылдың қаңтарында орындалған. Содан бері соттар ондаған адамға өлім жазасын тағайындағанымен, олардың үкімі кейін тоқтатылған немесе жеңілдетілген.
Бұған дейін өлім жазасы Ливан заңнамасында ресми түрде сақталып келді.