Оңтүстік Африканы қар басты, кейбір аймақта қар биіктігі екі метрге дейін жетті

Оңтүстік Африканы қар басып жатыр, кейбір аймақта қар үйіндісі екі метрге жетті. Оңтүстік Африкада ерекше қалың жауған қар жолдарда хаос тудырды – елдің солтүстік-шығысында көлік кептелісі пайда болды, көптеген автокөлік жүргізушілері көлігінде түнеуге мәжбүр болған, - деп хабарлайды Arbat.media.

Франс Пресс агенттігінің хабарлауынша, 39 жастағы әйел суықтан үсіп, ауруханада көз жұмды.

Ауа райының қолайсыздығынан көлік жолда тұрып қалғандықтан, ол басқа жолаушылармен шағын автобуста түнеуге мәжбүр болды.

Орталық Оңтүстік Африканың кейбір аудандарында қыста қар жауғанымен, әсіресе жылдың осы уақытында қалың қар сирек түседі.

Метеорологтар жауын-шашын әлі де сақталады деп болжап отыр.