Трамп әкімшілігі кезінде АҚШ 175 мыңнан астам визаны қайтарып алды
АҚШ Мемлекеттік департаменті Дональд Трамп президент болған кезеңде шетел азаматтарына берілген 175 мыңнан астам визаның күшін жойғанын мәлімдеді, деп хабарлайды Arbat.Media.
Департаменттің мәліметінше, визалар АҚШ заңдары мен талаптарын бұзған, қылмыс жасаған, америкалықтарға қатысты зорлық-зомбылыққа шақырған, елдің көші-қон жүйесін теріс пайдаланған немесе ұлттық қауіпсіздікке қауіп төндірген шетел азаматтарына қатысты қайтарылған.
«Трамп президент болған тұста Мемлекеттік департамент визалық талаптарды бұзған, қылмыс жасаған, АҚШ азаматтарына қарсы зорлық-зомбылыққа шақырған, америкалықтарды алдаған, біздің иммиграциялық жүйемізді теріс пайдаланған немесе ұлттық қауіпсіздікке қауіп төндірген шетел азаматтарының 175 мыңнан астам визасын жойды», – делінген ведомство хабарламасында.Мәліметті Fox News таратты.