Оңтүстік Кореялық әнші Psy психотроптық препараттарды пайдаланды деген күдікке ілінді
Оңтүстік Кореялық әнші және продюсер, «Gangnam Style» әнінің авторы Psy медициналық заңнаманы бұзды деген күдікке ілінді. Ол дәрігердің жеке қабылдауында болмай делдалдар арқылы психотроптық дәрі-дәрмекті пайдаланған көрінеді, деп хабарлайды Arbat.Media.
Сеул полициясы психотроптық дәрі-дәрмектерді заңсыз берді деген күдікке ілінген университет клиникасының дәрігерін және әнші Psy-дің ісін зерттеп жатыр. Оңтүстік Кореядағы Xanax және Stilnox таблеткалары тәуелділік қаупіне байланысты қатаң рецепт бойынша беріледі және міндетті түрде дәрігерге келіп қаралуы керек.
Тергеу мәліметі бойынша, өнер иесі 2022 жылдан бастап делдалдар арқылы дәрігердің жеке қабылдауынсыз психотроптық дәрі-дәрмекте алып отырған. Құқық қорғау органдары әншіні тексеру үшін аурухананы тінтіп, медициналық жазбаларды тәркіледі.
Дәрігер әншімен байланыста болып, оны қашықтан емдеуге тырысқанын айтты. Бірақ P nation таблеткаларын үшінші тарап қабылдағанын мойындады. Алайда дәрігер заңсыз рецепттерді жоққа шығарды.