Париж: Украина Ресейге SCALP зымырандарын қолдануға рұқсат берді

Франция Украинаға Ресейге шабуыл жасау үшін алыс қашықтықтағы француз зымырандарын қолдануға рұқсат берді. Украинаға қолдау көрсетуге қатысты «қызыл сызықтар» жоқ, деп мәлімдеді Франция сыртқы істер министрі Жан-Ноэль Барро ВВС-ге берген сұхбатында, - деп хабарлайды Arbat.media.

Ол Киевтің «өзін-өзі қорғау логикасында» Францияда жасалған ұзақ қашықтыққа ұшатын зымырандарды қолдануға Парижден рұқсат алғанын атап өтті.

Сонымен бірге, министр француз зымырандарын Украина қарулы күштері Ресей аумағына шабуыл жасау үшін бұрыннан қолданды ма, жоқ па, оны нақтыламады.

Сонымен қатар, Барро француз сарбаздарының Украинадағы соғысқа қатысуы мүмкін екенін жоққа шығармады.

«Біз Украинаны қажетінше қарқынды қолдаймыз, себебі Ресей армиясы бір шаршы шақырым алға жылжыған сайын қауіп Еуропаға бір шаршы шақырымға жақындайды», - деді Франция Сыртқы істер министрлігі.