Reuters: Ресейдің айып батальондары «Сталин заманының жаңғырығына» ұқсайды

Reuters Ресей армиясындағы айып батальондары «Сталин заманының жаңғырығына» ұқсайды деп жазады, - деп хабарлайды Arbat.media.

«Шторм Z» деп аталатын ресейлік жасақтар әртүрлі заң бұзушылықтарға жол берген әскери және бейбіт тұрғындардың негізінде құрылып, Украинадағы майданның ең қауіпті секторларына жіберіледі, деп жазады Reuters 13 дереккөзбен сұхбатқа сүйене отырып.

Әскерлердің бірінің айтуы бойынша, «Шторм" жауынгерлері жай ғана ет іспеттес», ал офицерлер оларды құнсыз санайды. Мамыр айында Бахмут ауданында бұл әскери адам командирдің оларды тастап кету туралы бұйрығына қарамастан, айып батальонының бірнеше жауынгеріне медициналық көмек көрсеткен. Маусым айында Бахмут түбіндегі шайқастарда «Шторм» отрядының 120 жауынгерінен тек 15 адам ғана аман қалды», - деп хабарлады дереккөз.

Агенттік дереккөздері «демінен алкоголь иісі» сияқты құқық бұзушылық үшін де қылмыстық батальонға түсуге болатынын айтады. Мұндай отрядтың біріне 100-ден 150-ге дейін әскери қызметкер кіруі мүмкін, қазір Украинаның шығысы мен оңтүстігінде кем дегенде бес «Шторм Z» отряды Украина қарулы күштерінің қарсы шабуылына тойтарыс беруге қатыса алады, делінген агенттік материалында.

Ресей Қорғаныс министрлігі осындай атаумен бөлімшелер құрып, онда тұтқындарды жинаған. Ведомство мұндай бөлімшелердің қалай және не үшін құрылғаны туралы ресми түсініктеме бермеді.