Украина ұлттық азшылық тілін қолдап, орыс тілін шектеді

Украина елдегі ұлттық азшылықтардың тілдерін қолдады, бірақ орыс тілін пайдалануға шектеулерді күшейтті, - деп хабарлайды Arbat.media.

Владимир Зеленский Украинадағы ұлттық азшылықтарға украин тілін қолдануға қойылатын талапты азайтатын заң жобасына қол қойды.

Ол тек ЕО елдері халықтарының және Қырым татарларының тілдеріне қатысты.

Атап айтқанда, бұл тілдер енді жеке мектептер мен университеттерде, сондай-ақ ақпарат украин тілінде қайталанатын болса, сайлау науқаны кезінде де қолданылады. 

Сонымен бірге заң жобасы Ресей Федерациясы бастаған соғыс аясында енгізілген Украинада орыс тілін қолдануға тұрақты шектеу қояды.

Орыс тіліне босаңдық қолданылмайды, өйткені бұл «Украинаның Жоғарғы Радасы агрессор мемлекет немесе оккупант мемлекет деп таныған мемлекеттің тілі», - делінген құжатта.