“Үндістандағы ұшақ апаты”: Бір де бір адам тірі қалмады

Үндістандағы ұшақ апатынан 242 адам қаза тапты, деп хабарлайды Arbat.Media.

Үндістанның Ахмедабад қаласында Air India компаниясының «Боинг 787 Dreamliner» ұшағы апатқа ұшырады. Бортта 242 адам болған.

Ұшақ Лондондағы Гатвик әуежайына бағыт алған. Аспанға көтерілген соң небәрі 5 минут өткенде лайнер әуежай маңындағы дәрігерлер жатақханасына құлаған.

Бортта 169 үндістандық, 53 британ азаматы, 7 португалиялық және 1 канадалық жолаушы болған.

Айта кетейік, «Боинг 787 Dreamliner» ұшағы тарихта алғаш рет апатқа ұшырап отыр.