Запорожьеде зымыран көпқабатты үйге түсіп, бір адам қаза тапты

Запорожьеде зымыран көпқабатты үйге түсіп, бір адам қаза тапты, екеуі жарақат алды, - деп хабарлайды Arbat.media.

Бұл туралы Облыстық әскери әкімшілігінің басшысы мәлімдеді. 

«Бүгін түнде 01:33 пен 01:48 аралығында нәсілшіл лаңкестік әскерлер Запорожье қаласының аумағына 6 рет зымырандық шабуыл жасады. Зымыран түрі анықталуда. Соққылардың бірі қаланың орталық бөлігіндегі көпқабатты үйге соғылды.

Өкінішке орай, лаңкестік әрекеттің салдарынан 1 адам қаза тауып, кем дегенде екеуі жарақат алды. 8 пәтерге зақым келген. Үйдің тұрғындары эвакуацияланды. Барлығы уақытша баспанамен қамтамасыз етіледі», – деп жазады Юрий Малашко.