13 жастағы бала тізгіндеген көлік жол апатына ұшырады

Алматы облысында жол апатынан екі адам қаза тапты. Көліктердің бірін 13 жастағы бала басқарғаны белгілі болды, деп хабарлайды Arbat.Media.

Қайғылы оқиға Алматы облысының Жалпақсай ауылында болған. ВАЗ бен Hyundai Grandeur көліктері соқтығысып, 2 адам тіл тартпай кетті. Куәгерлер көлікті 13 жастағы бала басқарғанын айтты.

Жергілікті тұрғындардың айтуынша, ВАЗ жүргізушісі қиылысқа шығып, келесі көлікке жол бермеген. Нәтижесінде Hyundai бағанаға барып соғылған. Жүргізуші мен жолаушы оқиға орнында көз жұмды. Ал көлік тізгіндеді деген жасөспірім жарақат алып, ауруханаға жатқызылды.

Оқиғаның ресми деректері мен себептері нақтылануда. Аймақтағы полиция департаменті қазірге ақпарат бермеді.