Қар мен көктайғақ: Қазақстанның қай өңірлерінде ауа райы күрт бұзылады?

«ҚазАвтоЖол» ұлттық компаниясы Қазақстанның 10 облысында қар аралас жаңбыр мен көктайғақ болуына байланысты жүргізушілерге аса қажет болмаса сапарға шықпауға кеңес берді, деп хабарлайды Arbat.Media.

Синоптиктердің болжамынша, 10 қарашада Ақмола, Абай, Ақтөбе, Павлодар, Қарағанды, Қызылорда, Маңғыстау, Ұлытау, Солтүстік Қазақстан және Шығыс Қазақстан облыстарында қар аралас жаңбыр жауады. Осыған орай мамандар автокөлік иелерін жылдамдықты асырмауға, көліктер арасындағы қауіпсіз қашықтықты сақтауға және сапар бағытын алдын ала жоспарлауға шақырды.

Мамандар әсіресе жазғы дөңгелекпен жүрудің өте қауіпті екенін ескертеді. Себебі көктайғақта мұндай дөңгелек жолға дұрыс жабыспай, көлікті басқару қиындайды және жол-көлік оқиғасының қаупі артады.