37 блогерге қатысты іс өкілетті органдарға жіберілді

Қаржы мониторинг агенттігі 37 блогерге қатысты материалдарды өкілетті органдарға жолдады. Бұл туралы агенттік төрағасының орынбасары Жеңіс Елемесов мәлімдеді, деп хабарлайды Arbat.Media.

Оның айтуынша, алғашқы рет заңбұзушылыққа жол бергендерге 300 АЕК көлемінде айыппұлсалынады, ал қайталап жасалған жағдайда 750 АЕК көзделген.

Кейбір істер бойынша сот шешімі күтілуде, ал қылмыстық жауапкершілік нақты дәлелдерге байланысты қарастырылмақ.

Мәжіліс депутаты Елнұр Бейсенбаев та әлеуметтік желілерде заңсыз лотерея ұйымдастыру фактілерін атап өтті.

Оның айтуынша, блогерлер уақытша компания құрып, пайдасыз видеокурстарды сату сылтауымен пәтер, көлік, смартфон және тіпті зәулім коттедждерді жүлде ретінде тігіп, азаматтарды тартқан.