Абай облысында жантүршігерлік жол апатынан 4 адам ажал құшты

Абай облысында екі көлік бетпе-бет соқтығысып, 4 адам қаза тапты, деп хабарлайды Arbat.Media. 

Жол апаты 19 ақпанда республикалық маңызы бар Омбы – Майқапшағай автожолында болған.

Алдын ала мәлімет бойынша, аталған автожолдың 867-шақырымында Салқын-Төбе ауылының маңында Lada Priora және Chevrolet Cobalt маркалы көліктер бетпе-бет соқтығысқан.

Жол апатынан төрт адам қаза тауып, тағы үш адам түрлі дене жарақаттарын алды.

Аталған дерек бойынша сотқа дейінгі тергеп-тексеру басталды. Оқиғаның барлық мән-жайлары анықталуда.