АИТВ инфекциясын әдейі жұқтырған теміртаулық сотталды

Теміртауда ауыр дерті барын біле тұра, қасақана әйелдермен жақындасып АИТВ-инфекциясын жұқтырған ер адам сотталды, - деп хабарлайды Arbat.media.

Сот оны 6,5 жылға бас бостандығынан айырып, жазасын қауіпсіздігі орташа түрмеде өткізу туралы үкім шығарды, деп хабарлайды.

Қылмыстық істі Теміртау қалалық соты жабық сот отырысында қарады. Айыпкерге 5 жылдан 10 жылға дейін бас бостандығынан айыру түріндегі жазаны көздейтін ҚР ҚК-нің 118-бабы 3-бөлігі (ауруын біле тұра, басқа адамға АИТВ жұқтырған) бойынша айып тағылды.