Атырауда терроризмді насихаттады деген күдікпен 10 адам ұсталды

Атырауда Ұлттық қауіпсіздік комитеті өткен жұмада бірден 10 адамды ұстады. Олар экстремистік топ құрып, сондай-ақ терроризмді насихаттап, діни алауыздықты қоздырған деген күдік бар. Тергеу нұсқасына сәйкес, топ мүшелері Қазақстанның батыс өңірінде конституциялық құрылым негіздерін күшпен өзгертуді көздеген, деп хабарлайды Arbat.Media.

Тінту кезінде қару-жарақ, есірткі заттары, діни атрибутика, әдебиеттер мен өзге де заттай дәлелдер тәркіленді. Сонымен қатар топ ұйымдастырған балалар мен жасөспірімдерге арналған үш заңсыз діни оқу орталығының қызметіне тосқауыл қойылды.

ҰҚК мәліметінше, топ мүшелерінің бірқатары бұған дейін терроризмге және жалпы қылмыстық құқықбұзушылықтарға байланысты сотталған.