Алғабастағы өрттен зардап шеккендердің бірі санавиациямен Шымкентке жеткізілді

Түркістан облысындағы алапат өрттен зардап шеккен ер адам Шымкент қаласына жеткізілді, деп хабарлайды Arbat.Media.

Бұл туралы өңірдегі ТЖД баспасөз қызметі ақпарат таратты. «Қазавиапас» авиациялық қызметінің ЕС 145 тікұшағының экипажы Түркістан облысы Жетісай ауданынан санитарлық рейс жасап, 1986 жылы туған ер адамды Шымкент қаласына жеткізді.

«Жетісай ауданында жедел көмек көрсетуге қажет арнайы аппаратура санының шектеулі болуына байланысты ер адамды Шымкент қаласындағы облыстық ауруханаға жеткізу керек болды», - деп хабарлады Түркістан облысының ТЖД баспасөз қызметі.

Зардап шеккен ер адам Шымкент қаласының гипербариялық оксигенация орталығына жеткізілді.