Алматы әуежайында өзін-өзі өртеген ер адамның ісі жабылды

Көліктегі полиция департаменті Алматы әуежайында ер адамның өзін-өзі өртеу әрекеті туралы істі тоқтатты, деп хабарлайды Arbat.Media.

Қылмыстық іс қылмыстық кодекстің 105 — бабы - «Өзін-өзі өлтіруге дейін жеткізу» бойынша жүргізілді. Денесін күйік шалған ер адам медициналық мекемеден шыққаннан кейін, ешқандай адамдарға шағымы жоқ екенін мәлімдеді.

Көліктегі полиция департаментінің хабарлауынша, барлық қажетті тергеу шаралары аяқталды. Нәтижесінде қылмыс құрамының болмауына байланысты істі тоқтату туралы шешім қабылданды.