Алматы облысында Іле ауданының экс-әкімі 3 жыл 3 айға сотталды

Сот Бағдат Қарасаевты алаяқтық бабы бойынша ақтады, деп хабарлайды Arbat.Media.

Ал лауазымдық өкілеттігін теріс пайдалану және кәсіпкерлік қызметке заңсыз қатысу баптары бойынша кінәлі деп тапты.

Нәтижесінде экс-әкім 3 жыл 3 айға сотталды. Жазасын ең төменгі қауіпсіздік мекемесінде өтейтін болды.

Сондай-ақ ол "Парасат", "Құрмет"ордендерінен айырылды.

Айта кетейік, Қарасаев 2024 жылы күзде қоқыс полигонына қатысты заңсыздықтар бойынша ұсталған. Оған "кәсіпкерлік қызметке заңсыз қатысты", "лауазым өкілетін асыра пайдаланды" және "мемлекеттік мүдделерге нұқсан келтірді" деген айыптар тағылған еді.