Алматыда заңсыз онлайн-казино ұйымдастырғандар сотталды

Қаржы нарығын реттеу агенттігі «PokStars» және «LuckyShark» атты заңсыз онлайн-құмар ойындарын ұйымдастырған тұлғалар тобына қатысты тергеуді аяқтады, деп хабарлайды Arbat.Media.

Ставкалар банк арқылы қабылданып, одан соң ойыншыларға жүйеге кіру үшін логин мен құпиясөз берілген. Қаржылық операциялар туыстары мен үшінші тұлғалардың, соның ішінде шетел азаматтарының (дропперлердің) атына рәсімделген банк карталары арқылы жүргізілген.

Жаңа ойыншыларды тарту мақсатында әлеуметтік желілерде ойын клубын жарнамалайтын нысаналы жарнама қолданылған.

Сот үкімімен үш адам 2,5 жылдан 4,5 жылға дейінгі мерзімге бас бостандығынан айырылды.

Мемлекет пайдасына 116 млн теңге көлеміндегі заңсыз табыс пен «ZEEKR» маркалы көлік тәркіленді.