Алматыда жеңіл көлік аялдаманы соғып құлатты

Кеше, 16 қыркүйек күні сағат 13:45 шамасында жүргізуші көлік тізгініне ие бола алмай, аялдаманы соқты, деп хабарлайды Arbat.Media. 

Оқыс оқиға Алматы қаласының Бостандық ауданында болды. Көлік Назарбаев даңғылындағы аялдамаға соғылды. Аялдаманың металл конструкциясының сынықтары 20 жастағы қызға тиген.

Полицияның хабарлауынша, қыз дереу ауруханаға жеткізілді.

Бостандық аудандық полиция басқармасының қызметкерлері оқиғаны тергеуді бастады.