Алматыда жертөледен сұмдық іске баратын студия табылды

Алматы қаласында Полиция департаментінің ұйымдасқан қылмысқа қарсы күрес басқармасы элиталық тұрғын үй кешенінен «БДСМ-студиясын» анықтады, деп хабарлайды Arbat.Media.

Аталған орын жыныстық сипаттағы интимдік қызметтер көрсетумен айналысқан. Жезөкшелікке барған әйелге әкімшілік шара қолданылды. Сонымен қатар пәтердің иесі де белгілі болып, оған қатысты заң аясында тиісті әрекеттер жасалып жатыр.

«Мұндай деректер тұрақты түрде анықталып, жолын кесу жұмыстары жүргізілетін болады. Біздің міндетіміз – қоғамдық моральды қорғау және осы саладағы құқықбұзушылықтардың алдын алу», - деді, Алматы қалалық ПД ұйымдасқан қылмысқа қарсы күрес Басқармасының бастығы Жанат Нұрғалиев.