Алматыда жүргізушінің жүрегі тоқтап, салдарынан үлкен жол апаты болды

Алматыда бірнеше көліктің қатысуымен жол-көлік оқиғасы тіркелді, деп хабарлайды Arbat.Media.

Апат 11:30 шамасында Әл-Фараби даңғылында, «Нұр-Мүбарак» мешіті маңында болған.

Алдын ала ақпаратқа сәйкес, BYD таксиінің жүргізушісінің жүрегі кенеттен тоқтап, көлік басқарусыз қалған. Соның салдарынан такси Ford Focus, Chevrolet Monza, Subaru Impreza, Volkswagen Golf жеңіл көліктеріне және №127 бағыттағы қалалық автобусқа соқтығысқан.

Такси жүргізушісі оқиға орнында қайтыс болды.

Қалалық полиция департаменті жол апатына жүргізушінің денсаулығының күрт нашарлауы себеп болғанын растады.