Алматыдағы физика-математика мектебінің 47 оқушысы ауруханаға түсті

Алматыда Республикалық физика-математика мектебінің 47 оқушысы жедел ішек инфекциясының белгілерімен ауруханаға жатқызылды, деп хабарлайды Arbat.Media. 

Бұл туралы қалалық Қоғамдық денсаулық басқармасына сілтеме жасап, Sputnik Қазақстан хабарлады.

Басқарманың мәліметінше, балалар 12–13 қазан күндері Балалар қалалық клиникалық жұқпалы аурулар ауруханасына жеткізілген. Қазір олар дәрігерлердің бақылауында. Интернаттағы тағы сегіз бала оқшауланып, медициналық бақылауға алынды.

Осы жағдайға байланысты мектеп, интернат және ас блогының жұмысы уақытша тоқтатылды. Мамандар зертханалық тексеру үшін сынамалар алды. Жағдай тиісті қызметтердің бақылауында.