Алматыдағы үш адамның өмірін қиған жол апаты: Жәбірленуші тарап 100 миллион теңге талап етуі мүмкін

Алматы қаласының қылмыстық істер жөніндегі мамандандырылған ауданаралық сотында Әл-Фараби даңғылында болған ажалды жол-көлік оқиғасына қатысты алдын ала сот отырысы өтті, деп хабарлайды Arbat.Media.

Сот аяқталғаннан кейін апаттан қаза тапқан Құмар Тенелбаеваның жақындарының мүддесін қорғаушы адвокат Мейірман Шекеев жәбірленуші тараптың әзірге айыпталушымен татуласуға ниетті емес екенін мәлімдеді.

Қорғаушының айтуынша, марқұмның ата-анасы қазіргі уақытта қызы тірі күнінде несиеге алған, бірақ апат кезінде қираған автокөліктің қарызын төлеп отыр. Заңгер бұл іс бойынша материалдық және моральдық шығынды өндіру мақсатында қомақты көлемде азаматтық талап-арыз берілуі мүмкін екенін жеткізді.