Алматылық жігіт желі арқылы қызбен танысып, бәлеге қалды

Желі арқылы танысқан қызбен кездесемін деген алматылықтың басы бәлеге қалды, деп хабарлайды Arbat.Media.

Ер адам қызбен жалдамалы пәтерде кездесуге келіскен.

Алайда кездесу ортасында пәтерге өзін қыздың «ағалары» ретінде таныстырған үш ер адам кіріп келіп, оның кәмелетке толмағанын айтып, ақша талап еткен.

Сондай-ақ телефоны мен жеке заттарын тартып алған.

Күдіктілер уақытша ұстау изоляторына қамалды.

«Өкінішке қарай мұндай жағдай жиі кездеседі. Азаматтарды интернет арқылы танысу кезінде барынша сақ болуға шақырамыз», - дейді тәртіп сақшылары.