Ақмола облысында жолда полицей қаза тапты

Ақмола облысында жолда полицей қаза тапты. Қайғылы жағдай қызметтік міндетін атқару кезінде болған, деп хабарлайды Arbat.Media.

Полиция қызметкері жол қауіпсіздігін қамтамасыз етіп, жүргізушілерге қауіпті учаске мен жылдамдықты төмендету қажеттігі туралы ескертіп тұрған.

Алдын ала мәлімет бойынша, Toyota Camry автокөлігінің жүргізушісі полицейді қағып кеткен.

Ол оқиға орнында көз жұмды. Тергеу амалдары басталды.

Ақпаратты Ақмола облысының полиция департаменті растады.