Ақтөбеде әжесі мен немересін көлік қағып кетті

Ақтөбеде жолды кесіп өтпек болған әжесі мен немересін көлік қағып кетті, деп хабарлайды Arbat.Media.

65 жастағы жейнеткер алған жарақаты салдарынан көз жұмды.

Қайғылы оқиға Ақтөбе қаласы Әлия Молдағұлова даңғылында болды.«Lada-21901» автокөлігінің жүргізушісі зейнеткер мен оның жанындағы немересін қағып кетті. Екеуі де дереу ауруханаға жеткізілгенімен, зейнеткер көз жұмды. Ал оқушы қыз ауруханада жатыр.

«Қазір сот алды тергеуі басталды, ал көлік автотұраққа қойылды», деді облыстық ПД баспасөз қызметі.

Ақтөбе облыстық денсаулық сақтау басқармасы баспасөз қызметінің хабарлауынша, қыз жабық бас-ми жарақатын алған. Ол қазір облыстық көпбейінді балалар ауруханасының нейрохирургия бөлімінде ем қабылдап жатыр.