Астанада көзіне лазерлі ота жасатуға барған жалғызбасты ана қаза тапты

Желіде астаналық тұрғын өз аяғымен көзіне жеңіл лазерлі ота жасатуға барған анасының кенеттен қаза тапқанын баяндады, деп хабарлайды Arbat.Media.

Айтуынша, 30-40 минутқа ғана созылатын ота алдында анасында ешқандай кері көрсеткіштер болмаған.

“Ол екі бауырыммен бірге тұратын. Ал мен тұрмыстамын. Сіңлім 20 жаста, кіші інім үш жаста.

Анам 3 жасар інімді қарап үйде қалуымды өтінді, операция 30–40 минутқа ғана созылады және ешқандай қарсы көрсетілімдер жоқ деді.

Отаға бір сағат қалғанда анама қосымша тағы бір диагноз қойған. Бірақ оны біз білмедік”, – деді Ақерке.

"Анамның өлімінің жүрекке байланысты деп қойыпты. Бірақ түсініксіз жағдайлар көп. Ол ота жасалған емханадан сол кезде басқа ауруханаға ауыстырылған.

Қазір жауапты дәрігерлер бостандықта жүр”, – деді ол.