Астанада мас күйде көлік жүргізіп ұсталған судья қызметін жалғастыруда

Астанада мас күйде көлік жүргізіп ұсталған судья қызметін жалғастыруда, деп хабарлайды Arbat.Media.

Астананың азаматтық істер жөніндегі ауданаралық сотының ресми сайтында Әсел Досаеваның судья ретінде жұмысын жалғастырып жатқаны көрсетілген.

Судьяның жұмысын жалғастырып жатқанын Астана қалалық соты да растады. Соттың мәліметінше, әкімшілік құқықбұзушылық туралы істің материалдарын ішкі істер министрлігі бас прокуратураға жолдағанын.

Сондай-ақ соттың баспасөз қызметі судьялардың тәртіптік жауапкершілігі, кадрлық іріктелуі, тағайындалуы және қызметінен босатылуы бойынша мәселелер Жоғары сот кеңесінің құзыретіне жататынын атап өтті.