Атырау облысында полицейлер жиналыс кезінде ұсталды

Атырау облысында екі полиция қызметкеріне қатысты пара алды деген күдікпен сотқа дейінгі тергеу басталды, деп хабарлайды Arbat.Media.

Тергеу нұсқасына сәйкес, полицейлер Мақат ауданының тұрғынын мас күйінде көлік басқарғаны үшін тоқтатқан. Ол әкімшілік жауапкершіліктен құтылу мақсатында полицейлерге 300 мың теңге берген. Кейін ер адам ақшасын қайтаруды талап етіп, Атырау облысы полиция департаментінің ішкі қауіпсіздік қызметіне арыз жазған.

Өтініш 2025 жылғы 24 желтоқсанда тіркелген. Сол күні күдіктілер жалпы жиналыс өтіп жатқан кезде ұсталды. Полицейлер дереу уақытша ұстау изоляторына қамалды.

Қызметтік тексеріс қорытындысы бойынша екі қызметкер де ішкі істер органдарындағы қызметінен босады.