Атырау облысында сталкинг жасаған ер адам қоғамдық жұмысқа тартылды 

Ер адам 5 қыркүйекте әйелдің үйіне барып, есігін тартып, терезесін қағып, қашып кеткен, деп хабарлайды Arbat.Media.

Кейін қозғалысын бақылау үшін «2ГИС» қосымшасы арқылы оның кәмелетке толмаған балаларының ұялы телефонына «достыққа» сұраным жіберіп, ұлының орналасқан жерін бақылауға мүмкіндік алған.

19 қыркүйекте алкогольдік масаң күйде әйелдің үйіне барып, терезеден қараған. Сотталушы кінәсін ішінара мойындады.

Соттың шешімімен оған 200 сағат қоғамдық жұмыс түріндегі жаза тағайындалды.

Жәбірленушінің пайдасына 400 мың теңге моральдық зиян өндірілді.