Атырауда мерзімін өтеген сотталушының орнына басқасын босатып жіберген

Атырауда тергеу изоляторының қызметкерлері қателесіп жазасын өтемеген сотталушыны босатып жіберген, деп хабарлайды Arbat.Media.

Мерзімі аяқталған тұтқынның орнына басқа адам бостандыққа шығарылған.

Бұған себеп адамдардың тегі бірдей болған. Бостандыққа шығару құжаттарын рәсімдеу кезінде оған басқа адамның деректері енгізілген. Құжаттарға абақтының бірнеше басшысы қол қойғаннан кейін "жолы болғыш" сотталушы изолятордан шыққан.

Қызметкерлер қатені анықтап, ер адам қайтадан изоляторға қайтарылды.

ҚАЖД жағдайға қатысты ресми түсініктеме беруге уәде берді.