Атырауда мұнай компаниясына 27,5 млн теңге айыппұл салынды

Атырауда мұнай компаниясына 27,5 млн теңге айыппұл салынды, деп хабарлайды Arbat.Media.

Атырау облысында экологиялық талаптарды бұзған «Светланд-Ойл» ЖШС-не 27,5 млн теңгеден астам айыппұл салынды.

Тексеру барысында компанияның рұқсатсыз шығарындылар мен төгінділерге жол бергені, экологиялық құжаттарды рәсімдемей нысандар пайдаланғаны анықталды. Сондай-ақ жердің мұнай өнімдерімен ластануы және қалдықтарды есепке алу талаптарының сақталмағаны тіркелді.

Осыған байланысты компанияға айыппұл салынып, рұқсатсыз шығарындыларды тоқтату үшін сотқа талап-арыз жолданды.