Ауа райының нашарлауына байланысты жүргізушілерге ескерту жасалды

«ҚазАвтоЖол» ұлттық компаниясы қолайсыз ауа райына байланысты көлік жүргізушілеріне ескерту жасады, деп хабарлайды Arbat.Media.

27 қаңтар күні бірқатар өңірлерде қар жауып, бұрқасын соғуы мүмкін. Атап айтқанда, Ақмола, Солтүстік Қазақстан, Қарағанды, Шығыс Қазақстан, Түркістан, Ақтөбе, Жамбыл, Алматы, Қызылорда, Павлодар, сондай-ақ Жетісу, Ұлытау және Абай облыстарында ауа райы күрт нашарлауы ықтимал.

Компания өкілдері жүргізушілерді жол қозғалысы ережесін қатаң сақтауға, жылдамдықты асырмауға шақырады.

Қосымша ақпаратты 1403 нөмірі арқылы тәулік бойы білуге болады.