Бас прокуратура 6 жыл жасырынған күдіктіні Ресейден экстрадициялады

Ол 2014 жылы Павлодар қаласында аса ірі көлемде есірткі заттарын сатқан, деп хабарлайды Arbat.Media.

Полиция қызметкерлері оны 66 кг марихуана мен 8 кг гашишті тасымалдау кезінде ұстаған болатын.

Алайда 2015 жылы ол сот үкімімен ақталды. Кейін прокурордың наразылығы бойынша ақтау үкімінің күші жойылып, оған 10 жарым жыл бас бостандығынан айыру түріндегі жаза тағайындалған.

Сол уақыт ішінде аталған адам соттан бой тасалап, 6 жылдан астам уақыт жасырынды. Күдіктіге халықаралық іздеу жарияланып, Мәскеу облысында ұсталған соң, Қазақстан Бас прокуратурасының сұрауы бойынша еліне экстрадицияланды.

Қазір ол уақытша ұстау изоляторына қамалды, енді жоғарыда аталған жазасын өтеуі керек.