Бұрынғы сүйіктісін бірнеше ай бойы аңдыған адам жауапқа тартылды

Елімізде сталкинг бабы бойынша алғаш рет қылмыстық іс қозғалды, деп хабарлайды Arbat.media.

Оқиға Ақмола облысы Бұланды ауданында тіркелген. 44 жастағы әйел экс-жігіті ойламаған жерден аңдып, үнемі қоңырау шалып, мазалағанын айтып, полицияға шағым түсірген.

Полиция қыркүйекте ер адамға жәбірленушіге жақындауға тыйым салған. Алайда ол бұл әрекетін жалғастыра берген. Ақырында жәбірленуші полицияға арыз жазып, оны қылмыстық жауапқа тартуды сұраған.

Осылайша полиция тергеу жүргізген. Тергеу барысында олар жәбірленушіден және күдіктіден жауап алған. Кейін жәбірленуші арызын қайтып алып, істі тоқтатуды сұраған. Сол себепті прокурор келісімімен тергеу аяқталған.