Былтыр елімізге қанша адам көшіп келді?

2025 жылы Қазақстанға тұрақты тұруға 23 761 адам келсе, елден кеткендер саны 7 608 адамды құрады, деп хабарлайды Arbat.Media.

Осылайша сыртқы көші-қонның оң сальдосы 16 153 адам болып, елімізде қатарынан үшінші жыл көші-қон өсімі байқалып отыр.

Көші-қон алмасуының негізгі бөлігі ТМД елдерімен жүзеге асқан: барлық келушілердің 81,8%-ы, ал кеткендердің 71,8%-ы осы елдерге тиесілі. Сонымен қатар, Қазақстанға Қытай, Моңғолия және Германиядан келушілер көп болса, елден көшкен азаматтар көбіне Германия, Польша және АҚШ-ты таңдаған.