Елімізде 40 градусқа дейін аптап ыстық болады

Синоптиктер Қазақстанда 13, 14, 15 маусымда ауа райы қандай болатыны туралы болжам жасады. Алдағы күндері Қазақстанның басым бөлігінде ауа райы тұрақсыз болады. Республиканың солтүстігінде, шығысында және орталығында найзағай ойнап, бұршақ жаууы мүмкін. 13-15 маусымда шығыс пен орталықта, 14 маусымда елдің солтүстігі мен оңтүстік-шығысында нөсер жауады деп күтіледі, - деп хабарлайды Arbat.media.

«Елдің батысында күндіз ауа температурасы +33...+40 градус ыстыққа дейін көтерілсе, елдің солтүстігінде, орталығында +20...+28-ден +25...+30 градусқа дейін, оңтүстікте +27...+35-тен +30...+40 градусқа дейін, оңтүстік-шығыста +22...+30-дан +25...+35 градусқа дейін, шығыста +22...+30-дан +20...+28 градусқа дейін шамалы төмендейді», делінген хабарламада.