Елімізде үш ауысымды мектептер саны 4 есе қысқарды

2019 жылдан бері 1 млн-нан астам орынға арналған 1200 жаңа мектеп салынды. Тек 2023–2024 жылдары 422 мектеп ашылып, 510 мың орын қосылды, деп хабарлайды Arbat.Media.

Нәтижесінде үш ауысымды мектептер 4 есе, апатты мектептер 2 есе азайды. Оқушы орындарының тапшылығы да қысқарды.

Оқу-ағарту министрлігінің мәліметінше, жаңа оқу жылы қарсаңында 115 мың оқушыға арналған 83 мектеп ашылды. Бұл Шымкент, Алматы және бірнеше облыста үш ауысымды оқытуды жоюға мүмкіндік берді.

Жыл соңына дейін 111 мектеп, ал 2025–2026 оқу жылында тағы 232 мектеп салынады. 1000 ауыл мектебі модернизацияланып, 1100 жаңа пән кабинеті орнатылады.