Ер адам полициядан қашамын деп автобуспен соқтығысып, көз жұмды

Полицияның мәліметінше, 25 қазанда кешкі уақытта көлік жүргізушісі жол қозғалысы ережелерін бұзып, полицияның тоқтау туралы талабына бағынбай, қозғалысын жалғастырған, деп хабарлайды Arbat.Media.

Артынан ол бағдаршамның қызыл түсіне өтіп кетіп, автобуспен соқтығысқан.

Салдарынан жүргізуші ер адам көз жұмды, ал жолаушы ауруханаға жеткізілген.

Автобуста 55 адам болған. Екі жолаушыға оқиға орнында медициналық көмек көрсетілді.