Ер адамды әріптестері таспен ұрып, тірідей көміп кеткен

Алматы облысында 29 жастағы ер адамды өлтіріп, жерге көміп кеткен, деп хабарлайды Arbat.Media.

Алматы облысының Ұйғыр ауданында аса ауыр қылмыс тіркелді. Алдын ала мәлімет бойынша, 27 мамыр күні демалыс базаларының бірінде бірге жұмыс істейтін азаматтар арасында ішімдік ішу кезінде жанжал туындаған.

Тергеу дерегінше, жанжал барысында 29 жастағы ер адам қатыгездікпен соққыға жығылып, кейін күдіктілер оның денесін жасырмақ болған. Марқұмның мәйіті бірнеше күннен кейін табылған.

Қазіргі уақытта оқиғаға қатысы бар деген күдікпен екі адам ұсталып, қамауға алынған. Аталған дерек бойынша адам өлтіру және қылмысты жасыру фактілері бойынша қылмыстық іс қозғалып, тергеу амалдары жүргізілуде.