Ердоған Түркиядағы түркітілдес азаматтардың жұмысқа орналасу ережесін өзгертті
Ердоған Түркиядағы түркітілдес азаматтардың жұмысқа орналасу ережесін өзгертті, деп хабарлайды Arbat.Media.
Түркия президенті Режеп Тайып Ердоған елдегі түркітілдес шетелдіктердің жұмысқа орналасу тәртібін өзгертетін қаулыға қол қойды. Енді Ердоған Түркияда қандай түркітілдес халықтардың заңды түрде жұмыс істей алатынын жеке өзі анықтайтын болады.
Қаулыға сәйкес, енді Түркияда қандай түркітілдес қауымдастықтар жұмыс істейтінін президенттің өзі шешеді. Бұған дейін бұл мәселе министрліктер мен үкімет деңгейінде қаралып келді. Ақыр соңы Ердоғанның жарлығы шықты.
Енді жаңа жарлық бойынша Түркияда жұмысқа орналасу құқығына Түркияда тұруға рұқсаты бар адамдар ғана істей алады. Түркияда әртүрлі жағдайларда өмірін жалғастыруға мәжбүр болған азаматтар біліктілігі мен білімін түрік органдары мойындаған құжаттармен растауы керек. Қажет болған жағдайда кәсіби ұйымдардың мүшесі болуы керек.
Енгізілген түзетулер түркітілдес шетелдіктердің мемлекеттік және жеке мекемелерде жұмысқа орналасу жағдайларын реттейтін 1981 жылғы Заңның ережелеріне сай өзгертілді.
Бұған дейін құжат мәтінінде шешімдерді Түркия Министрлер кеңесі қабылдайтыны жазылған еді. Енді заң мәтінін «Президенттің шешімімен» деп өзгертілді.