Көне Қапам ата жартас мешітіне бастапқы тарихи келбеті қайтарылды

Маңғыстау облысы Түпқараған ауданында орналасқан көне Қапам ата жартас мешітіне бастапқы тарихи келбеті қайтарылды, деп хабарлайды Arbat.Media.

Бұл туралы Таушық ауылының әкімі Нұржан Бақтыбаев мәлімдеді.

Оның айтуынша, мешітке орнатылған пластик терезелер мен есіктер толықтай алынып тасталған. Алайда жүргізілген жұмыстардың нақты жай-жапсары туралы қосымша ақпарат берілмеді.

Бұған дейін кейбір жергілікті тұрғындар зияратшылардың қолайлылығы үшін мешіттің сыртқы келбетін өзгертуге қарсы болмаған. Себебі қыс мезгілінде келетін адамдарды суық пен желден қорғау қажет деген пікірлер айтылған.