Мақтаарал ауданындағы мектеп «тойхана» ретінде тіркелгені анықталды

Мақтаарал ауданындағы мектеп «тойхана» ретінде тіркелгені анықталды, деп хабарлайды Arbat.Media.

Қаржы министрлігі мемлекеттік тапсырыспен жұмыс істейтін жекеменшік мектептерді тексеру барысында бірқатар өрескел заңбұзушылықтарды әшкереледі. Тексеру нәтижесінде 745 мекеменің 155-і өз кірісін мүлде көрсетпеген.

Үкіметтің баспасөз қызметінің мәліметінше, цифрландырылған 427 мектептің шамамен 30%-ы ресми қызмет түріне сай келмейді. Мәселен, Түркістан облысы Мақтаарал ауданындағы бір жекеменшік мектеп құжат жүзінде — «тойхана», ал Шымкенттегі тағы бірі — «сауда орталығы» ретінде көрсетілген.

Бұған қоса, 64 мектепте оқушы саны жобалық қуаттан екі есеге артық. Мысалы, Алматы облысындағы қуаттылығы 60 балаға арналған оқу орнына 702 оқушы қабылданған.