Махамбет ауданында Жайық өзенінің деңгейі 8 метрден асты

Атырау облысында Жайық өзені тағы көтерілді. Қазір Махамбет ауданында су айдынының деңгейі 8 метрден асты. Атырау облысының жедел штабы бүгін таңертеңгі сағат 08:00–ден бері Жайық өзеніндегі су деңгейі туралы мәлімет ұсынды, - деп хабарлайды Arbat.media

Индер ауданында таңертеннен бергі 12 сағатта су деңгейі +19 сантиметрге көтерілген, - деп жазады Kazinform агенттігі.

Кешкі сағат 20:00–де аудан орталығы — Индербор кентінде 769 сантиметрге жеткен.

Ал, Махамбет ауданында өзен арнасы +8 сантиметрге ұлғайған.

Кешкі сағат 20:00–де осы аудандағы Махамбет ауылының тұсында Жайық өзенінің суы 8 метр 3 сантиметр болып тұр.

Жайық деңгейі Атырау қаласында да көтерілді.

Таңертеңгі деңгейден +7 сантиметрге көтеріліп, кешкі сағат 20:00–де 466 сантиметр болды.